【中環荷李活道】呢幾日都落雨濕濕，前晚11點幾，正當記者以為發現李彩華喺中環荷李活道嘅西餐廳飲酒食飯嘅時候，忽然見到佢對面坐住嘅係上山詩鈉，擺明唔係圍內飯腳啦，再睇真啲原來嗰個唔係李彩華，而係嫁咗做人妻嘅名模周汶錡（Kathy），真係似得好交關！除咗Kathy同上山詩鈉外，同枱仲有兩女兩男朋友，睇嚟佢哋一早已經喺度開飯，之後直落飲酒傾偈。
用脷剔牙
Kathy當晚心靚好好，大杯白酒猛灌，唯一失態嘅係佢不停用脷剔牙，冇幾耐Kathy嘅朋友發現記者，即刻拉埋趟門，Kathy就改用牙籤剔牙，講嘢時亦變得好有儀態。一行六人飲到噚日凌晨12點幾至走，上山詩鈉先離開上咗朋友架車，Kathy就扶住朋友隻手行，見佢件衫透出內裏黑bra。
Kathy行出嚟個樣真係好似李彩華，無論面形、下巴、顴骨同個嘴都可以假亂真，十足twins咁，事實上Kathy曾傳變臉，佢變靚成功就越嚟越多女藝人同佢好似。心情大靚嘅Kathy邊行邊笑笑口同記者話：「做乜你哋咁叻，邊個報料㗎？」臨上的士前仲同記者拜拜。
採訪、攝影：徐錦池、梁繼光、楊浩賢
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange