周秀娜和關楚耀前晚在尖沙嘴擔任泳衣騷模特兒，李綺雯、黃榕和仙樂都等到場睇騷，當中黃榕和仙樂都以性感示人，但焦點仍然落在穿上性感泳衣的娜姐身上，吸引不少人圍觀。
上圍32D的娜姐早前受情傷消瘦不少，連咪咪都大縮水，前晚她狀態回勇，先後換了兩套泳裝，其中紫色一套將驕人身材表露無遺，露出六吋事業線，可惜有點高低胸，大會又安排兩名外籍大隻男模陪她行騷。事後娜姐接受訪問，記者笑言其咪咪回歸，她說：「一直都喺度，頭先喺後台我仲問兩個model可唔可以蹺實佢哋，我就試到強勁嘅臂彎。」
等識男模
再問娜姐見到兩名大隻男，可令她想起前男友陳偉成（Avis），娜姐說：「唔會！」又強調自己不心急拍拖，並說：「大會可能知我單身，所以畀兩個model我，一係等你哋介紹啦。」她透露今次酬勞相當好：「大家好錫我，知我搬新屋又想買車。」她又表示將起程往沖繩為無綫拍旅遊節目。
有份行騷的關楚耀穿上及膝滑水褲，即被一眾穿斗零邊泳褲的男模特兒搶鏡，他說：「斗零邊未必好睇，男仔着出嚟要勁，女仔事業線大家都知喺邊，男仔嘅事業線就係人魚線，我呢排都操緊，到9月音樂會時先會騷。」他又讚娜姐容光煥發。
採訪：王連連
攝影：葉君海
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange