男星拍香水香氛廣告近年最有迴響的可算是畢彼特（Brad Pitt）的Chanel No.5廣告，禪味的對白惡搞到街知巷聞。《吸血新世代》系列的羅拔柏迪臣（Robert Pattinson）去年底已盛傳為Dior Homme代言香氛產品，當時有指他三年的酬勞高達1,200萬美元，近日Dior Homme終於宣佈他加盟任品牌香氛的代言人，睇中他在電影的成就而邀他成為香氛男一族，與祖迪羅（Jude Law）、妮坦莉寶雯（Natalie Portman）及查理絲泰朗（Charlize Theron）齊齊發言。
新廣告照將於9月1日登場，還有60秒及80秒電視廣告版，廣告未出街已引起話題，因為Dior Homme的style向來玩黑白，相信羅拔的新廣告亦朝此方向進發，27歲的他留有鬍鬚，佬味十足，配上黑白效果的話，就如倒模畢彼特廣告，與今年年屆50歲的畢佬正面較量。羅拔的新廣告只在歐洲與亞洲推出，但不包括英國、中國及日本地區，在此限的粉絲惟有上網收看。
撰文：MR2
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
【蘋果互動】有料放？想收料?入嚟啦？
蘋果互動，是蘋果日報與讀者緊密互動，放料及收料的聚腳地。
http://on.fb.me/14ZZe5m