周三喺英國上演嘅皇后會盃網賽男單次圈賽事，賽果相當正路，2號種籽貝迪治同5號種籽施歷，都順利贏波過關；至於老將曉域治對舒拉寶娃男友狄美托夫（圖）呢場，就發生咗件趣事。話說場波第1盤，22歲嘅狄美托夫發球失誤，曉域治輕力回番個波畀佢再開過，點知舒娃男友接唔住，個波仲打中佢下體要害；雖然來勢唔勁，但睇嚟中到正，狄美托夫中招後痛到要跪低回吓氣同埋以笑遮醜，最後仲輸埋場波㖭。咁大整蠱，唔知舒娃會唔會去找曉域治晦氣呢。
【蘋果互動】有料放？想收料?入嚟啦？
蘋果互動，是蘋果日報與讀者緊密互動，放料及收料的聚腳地。
http://on.fb.me/14ZZe5m