港足中堅李志豪（右）約滿效力咗12季嘅南華後，早前已同中超球隊北京國安達成加盟協議；而佢噚日就赴京跟操，下月1日轉會窗重開，即簽約1年半。雖然噚日冇少林寺職員送機，但有忠實粉絲Connie（左）同親人送行；綽號「虎哥」嘅志豪話好唔捨得南華球迷，同顧錦輝等照顧佢多年嘅職球員。繼吳偉超同高梵後，成為第3個港人登陸中超嘅虎哥亦訂下目標︰「30歲仲有人搵，證明自己仲有價值，所以目標係努力爭正選，幫球隊躋身聯賽前4，同埋拎下季亞冠盃資格。」虎哥又自爆已帶備大批杯麵，以免喺北京食唔慣，水土不服。
【蘋果互動】有料放？想收料?入嚟啦？
蘋果互動，是蘋果日報與讀者緊密互動，放料及收料的聚腳地。
http://on.fb.me/14ZZe5m