唐英年呢排除咗陪太太出庭應付大宅僭建案之外，都好少喺公開場合露面，但據知相識滿天下嘅佢，不時約新知舊雨飲紅酒、食餐飯吹吓水。
最近唐唐就約咗一班政界中人，去咗岳少有份開嘅超豪日本餐廳聚會。有知情人士同八方講，唐唐𠵱家雖然有月旦政事，但都係以「花生友」心態睇政治，睇嚟冇心再戰江湖，但有啲嘢，唐唐始終好上心，好似一講到佢單僭建官司，唐唐就忍唔住問：為乜嘢佢單僭建上晒法庭開埋審，有啲人嘅僭建案，又可以冇晒影？
其實唔止唐唐唔明，全香港好多市民都唔明㗎，但政府一味要拖、厚待一隻狼，唐唐確實只能嘆句奈何。
【蘋果互動】有料放？想收料?入嚟啦？
蘋果互動，是蘋果日報與讀者緊密互動，放料及收料的聚腳地。
http://on.fb.me/14ZZe5m