白鴿黨主席卿姐噚日同傳媒茶敍，公佈該黨今年籌到256.6萬，比去年175.5萬激增百分之四十幾。雖然有咁好成績，但卿姐話由於錢係永遠冇人嫌多，所以只形容結果「唔係好差」，但就十分感謝市民捐款以及盡力賣獎券嘅黨友，以及WhatsApp喎！
點解又會關WhatsApp事？卿姐話多得用WhatsApp群組同黨友溝通，今年先可以第一時間知道白鴿黨籌款進展，為黨友互相打氣，令籌款有唔錯成績。
白鴿黨10月4日會重返大劉囝囝劉鳴煒嘅尖沙嘴The ONE商場，搞19周年黨慶，希望再籌多啲錢。
【蘋果互動】有料放？想收料?入嚟啦？
蘋果互動，是蘋果日報與讀者緊密互動，放料及收料的聚腳地。
http://on.fb.me/14ZZe5m