【第41屆港姐競選之男女任攬】無綫舉辦的新一屆香港小姐日前進行首輪面試，據知昨日大會已開始陸續通知佳麗是否晉身複試，據聞喜愛夜蒲，負面新聞多多的「栢芝奶媽」林芷嘉已順利入選第二輪面試。
林芷嘉被爆活躍上流社交圈，且對中年男士情有獨鍾，她參選港姐後馬上被人起底大爆她的爛蒲情史，昨日繼續有讀者爆料，不單有林芷嘉樹熊上身，胸壓熟男的照片，更指她的男友是富商，非常有米。林芷嘉雖自稱曾在英國讀書，但卻被爆曾在夜店工作，最愛夜蒲消遣。
記者昨日致電林芷嘉，求證她是否搭上富商，她淡定否認：「我都冇男朋友。」
富商男友識志偉
有傳林芷嘉的男友跟曾志偉相熟，內定她是三甲人選，她否認：「志偉係人都識，不過佢唔識我啫。」對於攬仔照曝光，她大耍太極：「呢個年代同朋友攬吓唔奇，我同好friend嘅朋友都會，我唔係個個攬，好有分寸。」林芷嘉也被爆在夜場工作，她說：「冇咁嘅事。」林芷嘉強調自己經營賣名牌手袋生意，家中名牌袋多多，不用冧異性送贈。
負面新聞接二連三，林芷嘉說：「少少唔開心，但其他人講嘢我理唔到。」不過林芷嘉對入圍仍信心十足，由於她已接獲大會通知晉身複試，所以對一切回應力求低調，怕無綫詐型，她說：「有啲乜，我唔方便答你。」
此外，當日穿上粉紅色裙面試的「粉紅救兵」，洋名Coky Wai，曾為網絡紅人「薑檸樂」拍攝短片，看來非常有表演慾。「粗臂猿猴」YoYo則被爆在健身中心打工。
採訪：葉雪
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
【蘋果互動】有料放？想收料?入嚟啦？
蘋果互動，是蘋果日報與讀者緊密互動，放料及收料的聚腳地。
http://on.fb.me/14ZZe5m