楊千嬅的兒子Torres剛滿一歲，早前她才與老公丁子高扮鬆弛熊慶祝囝囝生日，但她已開始為囝囝的學位問題而憂心，到訪幼稚園開放日及做調查，日前她與逢周五隨《蘋果日報》分區附送的時尚美容雜誌《add》暢談當「丁師奶」的幸福，感恩遇上老公，令她開竅懂得幸福就在身邊。
千嬅笑言產子後猶如「連血都換了」，訴說想子女有成就，但不能給兒子壓力，受落丁師奶這身份。她說：「起初覺得師奶image唔太好，𠵱家覺得係一種幸福，我都享受做師奶，閒時會去超市買餸畀囝囝，師奶唔易做！做師奶更加唔可以放棄自己嘅image，被偷拍命中率好高，之前被影得太多次，先生怕影響我嘅銀色旅途，費事嚇親人，所以叫stylist幫我買多一set衫，專為買餸着。」
開竅識感恩
丁子高照顧千嬅的形象，擔心老婆進行子宮內膜異位手術後應付不到工作，勸她不要搏命，自己就在公關事業上全力搏殺，是廿四孝好老公，千嬅亦感激說：「𠵱家學做家庭主婦，其實幸福係每個人都有嘅狀態，唔係有錢人或成功人士嘅專利，而係一直喺身邊陪伴你，每個人都擁有，我覺得好幸運可以捉住同發現幸福，我好感恩！喺認識老公前，我唔覺得擁有幸福，五年前有一日突然click到呢個位，以前工作遇到唔順利會抱怨，𠵱家若遇到阻滯會反思，𠵱家開竅啦。」
千嬅正忙於拍攝兩套電影，藉工作平衡心理質素，雖然產子後少了二人世界，但多了熱鬧，她更打算再造人：「老公都想生多個，但要好好調理身體。」（詳細內容請參閱第七期《add》。）
撰文：唐如
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
【蘋果互動】有料放？想收料?入嚟啦？
蘋果互動，是蘋果日報與讀者緊密互動，放料及收料的聚腳地。
http://on.fb.me/14ZZe5m