曾演出不少經典劇集的甘草演員蘇杏璇，前日在伊利沙伯醫院因中風後併發症逝世，終年61歲。本報記者昨日到訪璇姐生前與丈夫許成彪在尖沙嘴經營的齋舖，現場有不少客人幫襯。許生接受訪問時透露，璇姐前日下午4時40分離開，他說：「朝早佢感覺到唔得，我哋同法師居士一齊念經念到佢離開。同埋我哋嘅宗教係盡量唔好郁動佢身體，噚晚直接送咗佢去世界殯儀館，有間房畀佢，唔需要入殮房。同埋要7日後先可以正式處理，一定要助念令佢個心靜落嚟，輪迴去西方唔使再落地獄。」
日後建校以妻命名
許生強調心情已平伏，並說：「我心情冇事，因為一路都照顧佢，佢係我老婆。2月時佢中風，身體唔係郁得咁方便，出入醫院多易感染肺炎，病咗之後就冇落舖頭。」他又指子女自璇姐入院後都有到齋舖幫忙，他們都希望延續璇姐生前的心願，感化更多人食齋。許生又透露有些日本及內地的客人、朋友及圈中人如羅蘭姐等，都有致電慰問。問到璇姐生前有否表示想再拍戲？他說：「冇啦，上次《奪命金》係因為老友記先拍。」
之後許生到世界殯儀館，為亡妻處理身後事，問到他與璇姐相處多年，最難忘是哪一件事？他說：「佢係100分太太，大家學佛有共同理念，我做善事，佢一直支持我，搵到嘅錢去起學校佢又支持，仔女都好受佢影響，我哋一家都信佛。」他指日後再起學校時，一定會用璇姐的名字命名，作為對她的紀念。
無綫重播《義不容情》
璇姐逝世令不少視迷嘆息，無綫外事部副總監曾醒明表示，璇姐是無綫第一期訓練班的學員，亦為無綫服務多年，拍過不少膾炙人口的劇集，無綫對她的離世表示惋惜，亦希望她的家人節哀。他又表示最快會在下星期三（19日），在無綫經典台重播璇姐的經典劇集《義不容情》。
採訪、攝影：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
【蘋果互動】有料放？想收料?入嚟啦？
蘋果互動，是蘋果日報與讀者緊密互動，放料及收料的聚腳地。
http://on.fb.me/14ZZe5m