呢排計劃上市嘅REIT多到離晒譜，由私募基金凱雷分拆出來的內地連鎖酒店集團開元房託（New Century），日前就已經開始上市前推介活動，諗住喺咁弱嘅市況，繼續「硬撼」同期的新世界酒店，都咪話唔大膽。
華華好奇，打開份開元保薦人報告睇吓，點知喺管理層名單發現熟悉名字，前知名地產分析員、近年自行開檔炒股的芬佬張一鳴（Derek），竟然係開元房託的執董兼負責人員。
Derek最近少咗喺媒體曝光，但5月接受訪問時，名銜仍然係Neutron Partners的首席投資總監。估唔到短短一個月時間，佢又有新搞作。華華噚日即刻打電話畀Derek想八下來龍去脈，不過冇人接聽。