「三隻小蟻」真係三隻蟻三條心，而且佢哋唔妥到好誇張，每次開工作會議嗰陣，佢哋永遠唔會直接同對方講嘢，只係會叫個經理人或演唱會監製傳話畀其他兩隻小蟻知道，有啲人第一次同佢哋開會，簡直覺得係匪夷所思，因為佢哋表面好團結，台上又表現到老友鬼鬼，點知私底下係一句偈都講唔到。
明明坐埋同一張枱，都唔知為乜面左左，當自己嘅親密拍檔透明咁，聽講經理人都試過做和事老，但唔知點解好番一輪又發作，搞到經理人都放棄喇！
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！