吳千語同薛家燕等前晚喺將軍澳電視廣播城錄影新一輯《千奇百趣玩FREE D》，家燕姐見到千語BB，都有問候林峯近況。問到會唔會幫無綫拍劇？千語BB話唔知，要等公司安排，怕唔怕辛苦？佢就話：「唔係，乜都想做。」係咪要林峯做男主角先考慮？佢笑話：「唔係，唔到我揀，拍邊個都冇所謂。」另外，家燕姐之前喺《玩嘢王》俾李思捷同小儀整蠱，《千》由小儀主持，家燕姐笑話：「見到小儀有啲驚。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！