越來越多外地時裝品牌登陸香港，來自日本的UNIQLO已成功打入本地平價市場。近日開始轉季，身邊朋友血拼都不約而同話去咗UNIQLO掃貨，貪其平、靚、正，但大家知唔知道，UNIQLO背後功臣係邊個？
本港上市紡織股申洲國際（2313），是UNIQLO其中一個供應商，而UNIQLO亦是申洲的最大客戶，佔營業額高達30%。
睇番申洲走勢圖，自從5月份開始，已累積爆升約三成，全靠早前日圓急瀉，去日本shopping又或者在港掃日本貨都變相打個八折，帶動UNIQLO母公司fast retailing生意大賣，申洲就成為日圓受惠股之一！
上調目標價一成
除此之外，申洲亦好懂得節省成本。大和發表報告，指申洲柬埔寨廠房不但設施水平高，工資又低，員工數目7,500人，年底料會增至1萬人，而且當地仲提供極低的稅項優惠。
申洲計劃在越南興建新廠房，料2014年底投產，故將申洲2015年盈利預測調高5%。
雖然該股已爆升一段時期，周二收報25.80元，但大和繼續叫買，將六個月目標價由27.80元調升一成至30.50元，仲話申洲的盈利及現金流可以支持吸引的股息率，預計2013至15年，股息率分別達4.3、5及5.9厘。
瑪姬兒