現年30歲的組合農夫成員陸永再為人父，昨日端午節其妻Rainah於九龍塘浸會醫院剖腹誕下細女，6月12日出世重6磅12安士，十分巧合，剛出世的端午B女已識單眼伸脷，萌到爆！
陸永昨日一時許在醫院向本報記者報喜說：「頭先12點幾開刀，本來20號先係預產期，𠵱家早咗出世，今日仲要係端午節，以後生日唔係食蛋糕，而係食糭囉，哈哈！」陸永透露太太昨早作動，幸他們有第一胎的經驗，才不致雞手鴨腳。1歲大的囡囡陸一穎知道做了家姐嗎？陸永說：「之前畀公仔教佢點對待小朋友，未敢肯定佢知唔知乜嘢叫妹妹。」
提前慶祝父親節
BB名字仍未改好，陸永笑說：「唔會叫二乜，原本諗住一之後二，但永遠二不離三就無謂，我停工唔搞（生）啦，可能叫番一字輩。」問會否結紮？他說：「唔使，盡量安全啲，如果意外真係要嚟就由得佢。」怎獎勵老婆再為他生女？陸永笑着反問：「佢有乜獎我？大家食啲糭開心吓囉。」已有兩個女兒的他，笑言要努力接工作：「但唔需要太多，最緊要多錢，因為我要多啲時間照顧佢哋。」
昨午5時許，陸永在微博公開端午B女相片，並留言：「感謝老婆，提前送我父親節禮物！母女平安，六月十二，六磅十二安（士）！從來都會忘記任何人的農歷（曆）生日，但你這個端午b我可不會忘記了，以後生日仲有公眾假期tim！怪唔之得你出世個樣咁囂張啦！P.s.以後生日你冇生日蛋糕架（㗎），食生日咸（鹹）肉粽（糭）啦。」
採訪、攝影：楊潔雯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！