【本報訊】昨日是端午節假期，免補價白表客進入睇樓第二周高潮，依然逼爆代理行，場面墟冚，10組客排隊輪流睇同一單位。其中，白表客葉生未取購買證已心急搵盤，昨攜同老婆和兒子一口氣睇七個單位，希望以200萬元買入安樂窩。心急白表客又豈只葉生，另一白表客前晚與業主拉鋸兩小時至凌晨1時，以176.5萬元買入天水圍天頌苑兩房戶。
記者：陳家雄
白表免補價氣氛谷上頂峰，昨日（12日）凌晨1時，一名白表客睇中天水圍天頌苑F座高層7室，實用506方呎，因業主晚上11時才放工回家，買家照等，業主臨場反價5萬元至178萬元，經兩小時拉鋸戰，最終以176.5萬元成交，實呎3,488元。
白表客熱浪由夜以繼日，昨日早上7時30分，另一白表客已抵天水圍睇樓，代理指：「買家已睇過單位，要等阿爸睇埋個單位先決定買唔買。」至中午12時56分，代理WhatsApp通風報訊：「客人準備簽約！」記者即刻撲到現場，看見一名後生仔動筆簽約，以230萬元買入天盛苑D座中層12室，實用535方呎，呎價4,299元。惟對方婉拒訪問。
六組客逼爆代理行
之後一小時，已有四組白表客Walk-in，代理指鎖匙盤欠奉，大部份是業主盤。於是代理行一度有五至六組客人排排坐，等睇樓，場面墟冚。其中白表客葉先生雖未取「購買資格證明書」，昨日趁假期攜同太太和兒子由沙田來天水圍搵樓。
葉生目前一家三口和父母共住沙田實用500多方呎的居屋，原本想在娘家附近搵單位，惟他無奈道：「沙田居屋（綠表）貴過天水圍一倍呀！點買呀？」他的目標價是200萬元。
記者全程直擊他參觀天盛苑，從事建築工程的他，看得非常仔細，擔天望地，左度右度，似乎都不滿意，去到該屋苑K座中層8室，葉太指住浴室與客廳牆身問：「係咪漏水？」他沒示意，看過3個天盛苑單位，走兩圈便走，全日共睇7個單位。問他可有睇中單位，他說：「呢度啲單位都要執過，反而天富苑個三房單位幾好，200幾萬，價啱，唔使點裝修，髹下油，就住得！」
他預備30萬元做首期，早前已向銀行查詢，假如購入200萬元單位，銀行稱可借九成按揭，供款佔收入三成多，通過銀行壓力測試。面對綠表價被夾升，他坦言：「我唔識地產，單位只是自住，總之計啱條數就買。」
祥益地產高級營業經理胡志偉表示，屯門公屋良景邨1座低層12室，實用485方呎，反價3萬元，以綠表價123萬元成交。
居屋客搶盤實錄
