陳豪結婚了，新娘卻不是廖碧兒！陳茵媺昨晨9時25分在微博公告結婚喜訊，身在橫店拍劇的廖碧兒於26分鐘後相繼發三條博文，但都不是向一對新人送祝福，而是祝其他朋友端午節快樂，似乎當睇唔到雙陳結婚消息！直至下午2時15分，她才簡單留言祝雙陳：「Congratulations & all the best！」至於曾跟陳茵媺傳緋聞的蕭正楠，昨日接受本報電話訪問表示看微博才知婚訊，戥他們感到高興，並謂太多人留言祝福，要想個特別方式祝賀：「想買咖啡粉畀佢哋做禮物，如果真係如傳聞所講有喜事，就會買埋奶粉，一家都啱用。」
而陳茵媺的契哥麥長青亦是看微博才知婚訊，他在電話中說：「我冇份出席婚禮，可能佢哋知我要開工，總之好開心，因為知道佢哋計劃結婚好耐，好戥阿妹開心！陳豪係傳統得嚟又浪漫嘅男人，阿妹搵到好歸宿託付終身，我會送龍鳳鈪畀佢哋，如果真係有咗，可能送成套金器。」
採訪：丁寧
紛紛祝賀：馬仔催生小Mo仔
陳豪與陳茵媺一向人緣甚佳，二人終成美眷，一班圈中好友紛紛祝賀。
【馬浚偉】
「我都係今日睇微博先知，見到佢哋好幸福！希望佢哋快啲喺香港擺酒，快啲生個小Mo仔。」
【蔡少芬】
「為你們興奮開心！美麗單純的你，遇上好男人儍Mo，真是天作之合！」
【黃宗澤】
「好秘密，恭喜佢哋！係咪雙喜臨門就等當事人公佈，我真係唔知，當然希望佢哋連生貴子，幸福快樂！」
【李綺雯】
「張相好靚，戥Aimee搵到好歸宿開心，之前見佢兩個接收工又買消夜！」
【龔嘉欣】
「今朝睇訊息睇到眼濕濕，我同姚子羚互勉，話好快到我哋。」
【陳庭欣】
「筍盤買少見少，又冇一個，好多人爭！我仲要做主持多，冇機會培養感情，要發掘有潛質做筍盤嘅人！」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！