傑特（圖）宣佈退休之後，依然打算繼續喺NBA搵食，仲準備由球員變身做主教練。呢位40歲嘅前小馬控衞，日前去咗同前球會網隊嘅常務經理比利京治面試，據講對方都好滿意，認為有星味嘅傑特有能力做球隊下季嘅教練。不過傑特做唔做得成呢份工，仲要睇埋網隊另一人選嘅表現；同樣曾經係NBA球員嘅梳爾，周三就會見工，相信球會將喺日內有正式決定。