喺狼振英民望低迷之時，身在紐約嘅貿發局主席蘇澤光仲為佢講「好說話」，認真日行一善。話說Jack So噚日喺一活動致辭時，三番四次笑笑口點名讚狼英，話香港非常幸運由狼振英掌舵，因為佢維護一國兩制嘅決心毋庸置疑，唔少人聽完，以為佢講緊反話。Jack So仲將狼振英同美國總統奧巴馬相提並論，亦嘆狼英上台後，多咗白頭髮喎。
坊間盛傳做咗貿發局主席六年嘅Jack So，任期今年9月底屆滿後，或會被政府延任直至搵到合適掌舵人。Jack So話政府至今未同他接觸，強調「接受任何命運安排」，但都認同六六原則應該貫徹執行。