容祖兒、鍾舒漫同羅力威等前晚喺灣仔會展舉行音樂會，祖兒壓軸出場喺台上自爆前晚係農曆生日，成班fans齊齊講生日快樂。羅力威祝佢路路鏗鏘，祖兒話：「喺公司終於搵到個比我更九唔搭八嘅人。」
祖兒話正日嗰日係父親節，已經約咗老闆楊受成，問佢想收男友劉浩龍（師兄）乜嘢禮物？佢話：「送乜都開心！」男友有冇約佢？祖兒話：「冇呀，總之未知。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！