【第41屆港姐競選之大有來頭】今屆港姐首輪面試雲集美女與妖獸，幾位熱門佳麗火速被起底，率先跑出的大熱門「飛釘千雪」劉溫馨，原來是鞏俐師妹，畢業於中央戲劇學院表演系，08年更曾為北京奧運傳聖火，來頭甚猛。而身材火辣的「栢芝奶媽」林芷嘉私相簿亦曝光，穿比堅尼晒巨咪的她咀女攬仔超豪放，而英皇前藝人龔康妮亦報名鬥靚，企圖再闖娛樂圈。
前日港姐首輪面試於將軍澳電視城舉行，逾百位參賽佳麗打崩頭希望飛上枝頭變鳳凰，樣靚身材正的「飛釘千雪」劉溫馨率先彈出，亦火速被起底現真身，現年22歲的她身高5呎6吋半，體重108磅，畢業於北京的中央戲劇學院表演系，是鞏俐、章子怡、陳道明和姜文的小師妹，她拍過不少廣告，亦曾演出微電影《再見愛》，有粉絲在微博為她成立劉溫馨影迷會。
曾做08京奧火炬手
來頭不小的飛釘千雪於08年曾經擔任北京奧運會火炬手，在遼寧省大連市傳遞奧運聖火，當時還是學生的她，擔任第108棒火炬手大出風頭，18歲那年更參加內地舉行的「金石小姐」大賽獲冠軍，並成為大連國際沙灘文化形象大使，14歲時曾獲全國少年鋼琴金獎，果然才貌雙全。
飛釘千雪前日參加完面試後，乘無綫專車到調景嶺港鐵站，一名中女早已在等候。飛釘千雪到站內的自助即影即有攝影機內，竟將腳放在座位上換鞋，戴帽後再穿外套及架上墨鏡，然後施施然跟中女搭港鐵，當去到油麻地站轉車時，不熟路的她們幾經轉折才到佐敦站。飛釘千雪到恆豐商場的洗手間，換去飛釘裝穿上貼身褲，然後跟中女排隊等搭往黃埔的專線小巴，輪到飛釘千雪時，剛好只剩一個座位，她撇下中女上車返紅磡的服務式住宅盈采華庭。
來自內地的劉溫馨被質疑是否符合選港姐資格，無綫外事部副總監曾醒明昨日在電話中說：「參選港姐一定要有香港身份證，證明佢有資格代表香港，佳麗填報名表時要連埋身份證影印本，佢哋稍後複試入圍，大會會再核實佢哋資格，仲要帶埋提名人嚟見面，同埋簽署文件證明資料係真。」
栢芝奶媽黐苗僑偉
至於身材「胸」湧澎湃的面試佳麗「栢芝奶媽」亦被起底，她的真名叫林芷嘉，其facebook的私相簿曝光，穿比堅尼的性感相任睇，她的胸、腰都有疑似紋身，咀女攬仔玩到癲十分豪放，栢芝奶媽原來認識不少圈中人，跟苗僑偉夫婦、薛芷倫、媽模陳靜儀（Mia）、𡃁模羅彩玲都有合照。
採訪、攝影：李志明、吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！