狼振英首次外訪之旅甩晒轆，被紐約市長彭博「話見唔見又再見」玩到謝，堂堂特首冇晒「飛士」，相反喺特首選舉輸畀佢嘅唐唐，就他他條條返鄉下做大爺，獲邀分享佢嘅中國夢。話說今年先晉身全國政協常委嘅唐唐，獲邀出席喺佢家鄉、即係無錫舉辦嘅首屆「全球錫商大會」，主辦機構無錫市政府邀請咗嚟自25個國家地區、近500個無錫商人出席，好鬼大陣仗，仲特備一個演講環節，畀唐唐呢位鄉里講吓中國夢，認真唔話得。唐唐話全世界都爭緊人才，投資教育等同投資未來，強調教育對國家發展好重要。據知，唐太郭妤淺都有陪唐唐返鄉下演講，全程做跟得夫人。
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate