之前因為喺新浪微博講六四被「河蟹」，搞到黃秋生冇晒癮，宣佈退出唔玩，各位fans唔使擔心，秋生已經喺facebook開咗戶口再暢所欲言，連日嚟佢不停喺facebook留言同貼相，全部都同八九民運以及政府有關嘅話題同相，其中秋生仲貼咗一張好值得紀念嘅相，就係當年28歲嘅佢參加支持八九民運學生活動嘅相，相中嘅佢頭綁白帶，貼住交叉黑膠紙封嘴，左眼下面仲有一滴假眼淚，一切可謂盡在不言中。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！