【第41屆港姐競選之美醜雜燴】新一年度港姐首輪面試昨日在將軍澳電視廣播城展開，過百面試佳麗又透視裝又透bra上陣博入圍。論質素，今年面試佳麗明顯比過去兩年有所提升，有貌似朱千雪的「飛釘千雪」劉溫馨（Virginir）、為參選而辭去無綫娛樂新聞台記者工作的魏嘉琳（Kathleen）、在德國攻讀民族學兼貌似吳千語的Sisley和貌似日本女星小雪的港版小雪，加上貌似超雲和超蓮的何家姊妹花，令人看得賞心悅目。
不過，正如今屆港姐口號「超越想像」，面試佳麗中有令人驚艷，也有質素相距半個地球的重口味騎呢族類，如貌似牛下單車女神李慧詩的Charlaine和粗臂猿猴等。無綫高層余詠珊昨透露今屆港姐學歷比過往高，多是碩士和博士，年齡由19歲至27歲不等，無綫連海外佳麗將在400多人選出18位候選者晉身8月25日準決賽，總決賽將於9月1日舉行。
採訪：何慧斯、卓寶花
攝影：黃偉雄、陳志嵐
【靚女組】
飛釘千雪
■粉紅色行頭，可遇不可求。貌似港姐朱千雪的劉溫馨（Virginir），不經意來一記飛釘，當堂捲起千堆雪。
黑Bra千語
■還以為千語ＢＢ心急入無綫搵林峯，這名鄰家女孩feel的Sisley上車前脫去外套，背脊透出黑bra，看得在場人士無語。她面試完即買麵包醫肚，再搭地鐵返杏花邨。
iPad Kelly
■這位名叫Grace的佳麗，在任何角度看都有點Kelly影子，只不過若Kelly是大英百科全書，她只是一部iPad。
栢芝奶媽
■貌似栢芝媽的佳麗，華麗衣裝已掩藏不了「胸」湧澎湃的軀體，走起路來一晃一晃的，平地有聲雷。
港版小雪
■貌似日本女星小雪的Hazel，流着一股清純氣質，唯一缺點是稍嫌塊面太闊太大。
劈炮嘉琳
■魏嘉琳（Kathleen）曾是TVB娛樂新聞台主播，她說：「我特登辭職，𠵱家唔係TVB員工，冇牴觸，趁後生咪參加囉。」
MK思琦
■貌似楊思琦的少女Peggy，跟思琦妹一樣有迷人酒窩，不過若想勝出，餘下日子要用手上的蒸餾水沖沖那陣MK味。
【何家組】
大眼超蓮
■貌似何家超蓮的靚女Jenny，相信入圍冇難度，明顯戴了大眼仔的她，瞪大雙眼望清楚未來對手。
帶眼超雲
■這位佳麗面容飽滿，驟眼看有點何超雲影子。她面試前戴上太陽眼鏡，也許如超雲一樣要帶眼識人。
迷途超盈
■迷銅記超盈都來到碰運氣？原來是她身旁的女兒「迷途超盈」（右）參選，四四正正的她看落比母親精靈。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！