鍾嘉欣昨日於將軍澳邵氏電影城為一護膚品牌拍攝新一輯電視廣告，穿起一襲藍裙，甚有青春氣息的嘉欣透露，剛從韓國拍攝完旅遊節目回港，還大讚好玩，她說：「今次好特別，我哋邀請咗我嘅兩位fans去，一男一女，佢哋負責幫我安排行程，畀咗好多驚喜我，詳情唔講得住，但係人生永遠記住回憶。」
問到嘉欣以前的男友有否給過她驚喜？嘉欣尷尬表示以前男友踏實不太會浪漫，但簡單行沙灘及看日出已很開心，她又謂自己易滿足，若男友向她自彈自唱已足夠，不用做一些太刺激的驚喜。問到男友伍允龍有否試過自彈自唱？嘉欣冧笑表示：「唔知呀，我哋講番護膚啦！」
結婚誓收鑽戒
嘉欣表示自己不太講究物質如樓及鑽石等，她說：「咁當然結婚要有鑽戒啦，但幾大自己冇講究。」那伍允龍有否向她求婚？嘉欣大笑並表示：「點解講呢啲㗎？𠵱家事業為重！」嘉欣又開心表示近年做多了一些綜藝節目，更認清自己及發現原來自己可以做得更放。
另外，早前有指江若琳不滿老闆偏心嘉欣而解約，嘉欣對此大表無辜，除否認老闆偏心外，亦強調跟江若琳是很好朋友：「老闆係錫我，但係冇對我偏心，係好正常，我亦都唔想抹殺咗自己努力。」
採訪：文國駿
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！