全港有邊個咁清高，冇諗過要中六合彩發大達？新民主同盟范國威肯定係其中一個。但最諷刺係，呢個成世仔未買過六合彩嘅立法會議員，日前偏偏獲邀去咗可能係亞視最高收視率嘅節目六合彩攪珠直播，負責做公正人監場攪珠。
八方唔知咖喱飯係覺得中獎機會太低，連十零廿蚊都唔捨得？抑或真係視錢財如糞土、𠵱家最緊要搞好本土，所以從未參與呢項港人咁熱愛嘅活動，但肯定佢其實唔怕蝕底，事關擔任呢個節目嘅監場嘉賓，出鏡時間只有5秒咋，但攪珠個廠就喺大埔工業邨，山長水遠入去，只在電視螢光幕前曇花一現，咖喱飯真係抵得諗。
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate