美國復蘇概念股長炒長有，傢俬股敏華控股（1999）由4月低位爆升61%，同業順誠（531）期內僅升14%，噚日出現久違了嘅大陽燭，為新一輪升浪揭開序幕，追落後要揀佢。
美國最新公佈樓價指數，升幅係7年嚟最勁，另外消費信心指數亦創5年高位，當地傢俬需求大到你唔信，而美國業務佔總額九成嘅順誠，可謂食正呢嚿大肥肉。順誠去年業績亦交到功課，全年賺1,887萬美元（約1.5億港元），狂飆10倍，毛利率亦由24.9%升至25.6%。歷史市盈率雖達33倍，但炒股炒前景，以其盈利幾何級數增長速度計，回落至單位數一啲都唔出奇。
順誠另一賣點在於派息吸引，現價息率達7.4厘，如此高息高增長股，喺現今股票市場，可謂絕無僅有。
順誠噚日收報1.63元，升9.4%，成功突破4月以來嘅橫行區，係咁易追番敏華一半升幅，可見1.86元，屆時PB都只係1.4倍，仍較敏華折讓五成。
唐牛
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate