友川（1323）噚日公佈，兩位大股東調換主席同副主席職銜，27歲嘅副主席黃偉昇，為咗「扮演更積極的角色」調任主席，一睇佢嘅銜頭即刻要哇哇聲，外國大學學士、碩士、博士學位不在講，仲有新疆煤礦安全技術證書、壓力管理醫藥文憑，兼係耶路撒冷聖約翰騎士團中國特別代表團嘅外交顧問，認真博學多才。
經驗豐富 乜都做過
佢嘅經驗就更加豐富，開採煤礦、網上遊戲、物業投資、旅遊代理、娛樂節目製作、籌辦活動，保險，甚至連「魔童」王維基嗰瓣──製作電視劇集、訓練藝人佢都有經驗，仲有間俊昇證券行𠻹。估唔到佢年紀輕輕，識咁多瓣數，好多投行賓架，即使要湊各行各業嘅客戶，都未必係佢嗰皮。
友川舊年通告上，黃偉昇名字前後都有銜頭，叫「爵士黃偉昇博士」，家陣貴為上市公司主席，反而變番做「黃偉昇先生」。
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate