謝君豪同蘇玉華主演嘅舞台劇《南海十三郎》，合共24場前晚圓滿結束，不過有兩場加場因為阿蘇冇期，改由另一位女演員王嘉慧演出。完騷後眾人到北角慶功，近年謝君豪專注喺內地拍劇搵人仔，會唔會返港拍劇？謝君豪話：「會㗎，嚟緊要拍無綫同ICAC合作嘅劇集。」不過開工前，謝君豪先要返內地宣傳新劇。咁無綫有冇邀請佢拍劇？謝君豪表示：「我嘅大門永遠打開，中港台都會拍，唔同地方唔同價錢，喺香港都好，可以返屋企。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！