後日就係端午節，除咗有猛男扒龍舟之外，亦有「猛男」議員扒浴缸。由香港龍舟總會、旅發局合辦嘅龍舟嘉年華，今年搞咗場名人扒浴缸大賽，參賽者之一嘅白鴿黨單仲偕，噚日去咗「試賽」，最終竟然扒到反艇，單雞話扒浴缸講求平衡，稍為錯位就即時要飲「浴缸水」。
100呎嘅浴缸激鬥，將於本月23日舉行，單雞話扒過龍舟好多次，扒浴缸就係第一次，由於浴缸係纖維造，相當輕身，兩人要一左一右、一前一後咁坐，噚日就係因為扒扒吓，佢稍為坐歪咗，即時反艇跌咗落水。
除咗單雞，西環契仔謝偉俊、民建聯陳恒鑌、體重超晒磅嘅經民聯金融服務界張華峰都會出賽。
迪士尼金民豪、海洋公園盛智文亦唔執輸落場。除咗冠、亞、季，仲有特色造型大獎，相信係盛智文囊中物嘞。
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate