揸住李寧（2331）逾30%股權嘅非凡中國（8032）宣佈換董事，體操王子李寧阿哥李進，以專注個人事務為由，退任非執董，由佢年僅26歲嘅阿仔接任，呢位新董事個名好易記，叫李麒麟。據聞李寧有位十幾歲大仲讀緊書嘅阿仔，個名冇咁威，叫李小寧。
曾任基金分析師
講番李麒麟，雖然年紀輕，但公司通告形容佢「於金融服務行業擁有豐富經驗」，2010年開始喺一間對沖基金公司恆盛資產擔任分析師。傳媒對於佢嘅報道唔多，只傳聞佢係北京一個超級跑車俱樂部嘅會員。
華華搵到一個同李麒麟同名同姓嘅微博，工作地點一樣係恆盛基金，仲經常發佈李寧波鞋同活動照片。睇嚟李公子都好關注體育用品業界嘅動向，唔知幾時會見到佢加入李寧幫阿叔手呢？
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate