陳靜（DaDa）昨日於旺角街頭出席Giordano活動，竟再發生讀錯英文瘀事，還要看着口號標語都可以讀錯，而且今次又是衰在「golden」這個字上，似乎golden已成了她的死穴，辳到爆！
DaDa早前在香港電影金像獎獲最佳女配角致辭時，因她的英文發音唔正，將「我要多謝Golden Scene（發行公司）」讀錯成「高登先」，淪為全城笑柄，稍後將要出席紐約電影節的DaDa，矢言要學好英文，怎知言猶在耳，昨日她在活動上讀英文竟然又出醜！大會已預備口號讓她跟着讀，怎知DaDa睇住都讀錯，將「Fight for our golden age」讀錯成「golden game」，後知後覺的她尷尬地說：「原來我讀錯！」司儀惟有先讀一次，讓DaDa跟着讀。
事後DaDa接受訪問時仍死撐：「其實都OK！」問到是否沒信心才唔敢講？她坦言：「真係冇信心，但要克服，自己英文真係麻麻哋。」記者笑她識個老外男友補課，DaDa說：「好多人咁講，不過我冇興趣拍拖，請私人老師好啲。其實𠵱家都有進修英文，每晚返屋企視像學習，因為上堂就唔到時間，下個月去紐約電影節，希望進修有成果，可以同fans溝通，唔使靜晒冇嘢講。」
跳舞都唔掂
DaDa跟女大學生跳啦啦隊舞，但表現生硬，她說：「冇做過啦啦隊，讀書時玩田徑，冇跳舞細胞，真係唔識跳舞，擺甫士在行啲。」
採訪：譚倩宜
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！