呢個6月娛樂圈有唔少藝人生日，包括喺7號48歲生日嘅吳國敬、噚日27歲嘅吳雨霏（Kary）同嚟緊星期日踏入33歲嘅容祖兒。過咗生日幾日嘅阿敬之前同女友去旅行預先慶祝，而Kary生日前夕就同朋友度過，今年係佢同余文樂拍拖後首個生日，相信正日都係二人世界。祖兒雖然未到生日，但前日佢喺內地做嘢已經有人送上卡通蛋糕，令佢好開心。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！