新聞處助理處長林羅寶蓮據知今年9月退休，邊估到退休前嘅佢，仲會有新創舉？事緣向來係橋牌好手嘅佢，已經成為第49屆亞太橋牌聯會錦標賽嘅香港女子代表隊隊員，現正爭取喺上周五起至16日期間舉行嘅錦標賽中，爭奪珍貴出線權，勇闖9月喺印尼舉行嘅世界錦標賽，為港爭光。
林羅寶蓮早前以「參賽者」身份接受佢服務緊嘅政府新聞處訪問，分享打橋牌心得。
林太話最重要係要有全盤計劃，隊員之間就要多啲溝通，一齊搵最合適嘅出牌策略。基於拍檔雷惠芳成日出外公幹，佢都即時「變陣」，相約定時喺網上練習。
負責協辦呢次錦標賽嘅香港橋牌協會話喎，近年積極培育年輕人㗎，例如兩位大學生、19歲嘅吳梓康同譚梓浚就係香港青年代表隊成員，8月去武漢參賽。
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate