準備出烹飪書嘅陳煒噚日到荃灣出席活動，問到佢最叻整乜餸，陳煒就認叻話：「我冇話邊樣特別叻，因為我樣樣都煮得掂。」真係佢先講得出。講到咁叻，咁究竟本書幾時先出？陳煒話佢想慢工出細貨，加上𠵱家都仲未影相，所以趕唔切喺下月書展出版，佢仲搞笑話：「預計大家可能帶晒啲錢去書展買晒𡃁模寫真，所以就畀大家儲兩個月錢先買自己本書。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！