財爺鬍鬚曾上星期率團訪問台北三日，行程包括參觀台灣台達電子桃園三廠暨研發中心，及以「港台經濟文化合作協進會」榮譽主席身份，同台北市副市長丁庭宇見面。
之但係鬍鬚曾噚日喺網誌自爆訪台期間，「心裏仍記掛着香港的情況」；因乜嘢事咁放唔低香港？似乎同香港前景黯淡有關。
鬍鬚曾喺網誌話，瑞士洛桑國際管理學院（IMD）最近發表嘅《2013年世界競爭力年報》，香港排名雖然比去年跌兩位至第三位，引起社會關注，但強調排名下跌其實同今年亞洲經濟增長放緩有關，力指新加坡同台灣排名咪一樣下降，但香港仍然係亞洲第一，力撐IMD對香港嘅整體評價仍然不俗。
鬍鬚曾又聲稱呀，無意令大家以為政府不思進取、滿足於現狀，只喺希望提供客觀資料，等大家有更全面嘅了解喎。
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate