下次都會嚟
【何國彬 自修DSE學生】
「商討帶出好多致命問題，擔心佔中會胎死腹中，例如真普選定義係乜？統一理念好困難，應該有清晰定義，參與嘅人先有明確目標。如果再被邀請，我都會嚟商討日，但今日大會好似有傾向（邀請人士），絕大部份都係支持佔中。（不過）嚴謹嘅學術研究應該有正反雙方聲音。」
推廣最重要
【鍾錦昌 公務員】
「我本身係公務員，太太都有啲憂慮，因為公務員本應政治中立。但呢個（商討日）都係表達意見，我可能係反對都未定。我哋嗰組，正反（意見）都有，任何人都有權表達佢意見。我哋嗰組傾咗六個問題，我認為最緊要嘅問題係，點樣去推廣教育，令人知道佔中係乜嘢一回事。」
為後代着想
【盧女士 —】
「我曾經歷過文化大革命，做過紅衞兵，好了解共產黨。大前提係支持佔領中環，但覺得細節行動都要考慮囉。我覺得佔中只係初步構思，但應該係要事在必行。𠵱家細節唔係太過清晰，我只係珍惜𠵱家，係為咗下一代着想，我會支持，因為有啲嘢，始終都會做咗我自己嗰步先。」
我一定參加
【韓先生 —】
「大力支持佔中運動，呢個係好好㗎。你𠵱家個討論，係好好，俾人知道有乜影響，所以我支持。我唔係為咗100蚊車馬費而嚟。會上有人擔心成功機會係咪好細，但未聽到好多人話反對，反對聲音唔係好多。如果真係有佔中行動，我一定參加，拉人都可以，坐監我都唔怕。」
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate