律師同醫生界向來都有唔少唱得之人，律師會前會長王桂壎同醫學會會長謝鴻興就惺惺相惜，佢哋之前試過喺一個活動上同另外六個專業猛人夾band，結果夾出火花。
本月23日喺一間中區嘅bar，原班人馬再次搞慈善band show，謝鴻興同醫學會副會長陳以誠、牙醫學會會長梁世民等做主音，阿壎負責彈低音結他。
呢隊「專業」band友近日秘密練兵，準備屆時獻唱多首英文老歌，如《Tears in Heaven》。
不過，可惜今次表演唔會公開賣飛，阿壎話只供專業團體會員認頭，每位入場收費300蚊，善款會捐畀指定慈善機構。
八方聽聞門票幾乎被搶購一空，阿壎好多謝咁多粉絲捧場，仲話各大慈善機構日後若要籌錢，唔介意嘅話，不妨再搵佢哋粉墨登場。
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate