【欠公德心】
巨鴨快走了，岸上24隻小鴨也即將功成身退，市民都把握最後機會，與小鴨拍照留念，小朋友成年人，都愛騎上鴨仔身上拍照。經過一個月被遊人「又騎又踩」後，黃鴨出現不同程度的傷痕！
「變咗芒果色好肉酸」
24隻橡皮鴨傷勢不一，有小鴨鴨鼻「捆了黑邊」，有橙色鼻竟「甩色」變黃，亦有鴨翼、鴨身甩漆，出現一道道白痕。傷勢較嚴重的一隻鴨更有「甩皮」情況，變「崩尾鴨」。市民見鴨仔又殘又黑，都直指小鴨「變咗芒果色好肉酸」。巨鴨鴨身亦出現污迹，市民亦言「上次睇，好似乾淨啲」！
港人郭太昨日三度賞鴨，大嘆24隻展覽的橡皮鴨不復初見風采，「好污糟變咗灰鴨，好似落咗泥氹咁」。她眼前鴨身傷痕纍纍，鞋印、刮花均隨處可見，只能寄望下次進行同類展覽，遊人會有公德心。讀中四的梁同學感憤慨，「唔知係咪大陸旅客，始終分唔到，見到佢哋又擒又爬又摸真係幾無奈」。
《蘋果》記者
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate