【本報訊】民間組織一五一十基金會與中大公民社會研究中心合辦的Co-China夏令營，疑因主辦單位與發起佔領中環的學者陳健民有關，而遭內地打壓被迫停辦。本來有份參與夏令營的講者本土行動發言人朱凱迪批評，內地變相向港輸出打壓學術、言論自由的「七不講」禁令，覺得「好得人驚」，更擔心會將「河蟹」魔爪借交流之名伸向兩岸四地。
一五一十基金會前日突然以全體理事會發出公告，解釋因收到警告和多個被打壓的消息而要立即停辦夏令營，雖然基金會沒有說明壓力來源，但表明擔心照常舉辦的話，將為大陸講者和大陸的志工帶來麻煩。
憂同類事件早已發生
本報昨日再嘗試聯絡Co-China論壇總監杜婷，但至截稿時仍未有回覆。而日前在facebook留言形容本港竟發生這種事件「太悲哀了」的論壇講者張鐵志，則以作為媒體主編，不適合評論為由婉拒接受訪問。
另一論壇講者朱凱迪雖未有受壓，但覺得今次事件「令人憂慮」，直指「香港團體喺香港辦一個咁正常、咁有益身心嘅活動，居然因為國內不知名嘅壓力令佢冇得搞，呢個係好得人驚」，他批評北京是要把內地學校的「七不講」禁令，即要求教師不要與學生討論普世價值、新聞自由等議題，變相引入香港：「中港嘅交流頻繁，本來好似係好專屬大陸嘅打壓、言論自由嘅打壓會用另一種形式喺香港出現，喺大學裏面都出現咗。」
朱斥內地的做法影響學生身心發展、助長屈從風氣，因學生只能參與河蟹了的遊學團，更令他擔心的是這類事件會引起寒蟬效應外，更可能早已發生，只是未被公開：「可能有好多已經咁樣發生咗都未定，因為問題係兩岸四地、最惡嘅都係大陸，只要佢（大陸）發揮佢嗰啲惡性影響力，唔單止可以河蟹咗自己大陸裏面嘅情況，佢可以河蟹晒所有同佢有關嘅人嘅交流。」
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate