下月30歲生日的苟芸慧（苟姑娘）和吳千語都靠緋聞和戀情上位，前晚兩人到亞洲國際博覽館出席新車發佈會。自從苟姑娘與郭富城傳緋聞後，工作量大增，連體形都不斷暴脹，前晚她展露麒麟臂和象腿，拍在纖瘦的千語BB身旁，一肥一瘦相映成趣。
當品牌高層介紹新車，他讚苟姑娘和車子線條一樣修長，即惹來全場笑聲。事後問苟姑娘會否尷尬？她說：「女仔同車有唔同線條，大家笑係開心事，冇嘢好尷尬。」她透露剛從台灣拍微電影，有否大啖台灣美食？她即大反應說：「梗係冇，今次去台灣係咁跑，好似坐飛機返嚟，都因為趕唔到，所以要跑住。」
對於越減越肥，苟姑娘說：「我好需要時間，可能大家日日見到我，所以唔覺，自己有變化，好似化妝師同造型師都話我瘦咗，成日講住我好大壓力。」提到熊黛林自爆有追求者，苟姑娘自言沒追求者，記者笑她失敗時，她反問：「冇男朋友好失敗咩？我𠵱家好開心，可以日日做嘢。拍拖冇得急，timing亦冇得強求，要嚟就嚟。」
王君馨憶初戀
千語BB近日接了動作片，她指男仔動作跟女仔不同，故不會要求男友林峯過兩招，她又自爆男友不知她拍新戲。同場的王君馨自爆8年前跟初戀男友約會時，男友拖着她，就算電話響也不放開手，她說：「嗰時我成個人融咗，覺得佢乜嘢事都唔會放開我手，覺得係最型一刻，但事實上係好危險，唔好學。」
採訪：溫敏芝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！