五窮六絕，搞到個市冇啖好食，能否七翻身，那就要睇二手能否踩油。暫時只得居屋二手市場有點睇頭，但唔好忘記，個市一升政府又會做嘢打壓。
求過於供 小業主反價
二手居屋派籌，未來六周首批2,500個白表免補地價申請者可拿到批准書買居屋，究竟有多少加入生力軍，有人估兩成至五成，最多約1,300個左右，保守估計與目前全港放盤量差不多，當中天水圍及元朗區較多，約共400伙左右，其他市區貴價居屋維持每個屋苑十零個。一石擊起千重浪，見到求過於供小業主已陸續反價，市區綠表最高攀升至每方呎實用面積8,000元，鰂魚涌康山花園居屋王更叫價達每方呎1萬元，即使買到都供唔到，月入2、3萬元的家庭更加難上難。
白表買居屋頂多維持一頭半個月，只有對中細價樓有支持作用，過去兩個月中小型樓頂多跌一成左右，反而豪宅已超過一成，價位已差不多，如老樓數個月前估計，頂多一成便出現反彈的話，又會出現趕客潮，最後又得個吉。
回顧對上數次政府出招方式來看，由去年10月至今年2月，只要樓價升多過百分之五便出招，若以這做指標，財爺曾俊華袋口裏的新招仲有幾多不得而知，但肯定會出手，每次出手前都會有買家失預算，當銀行同時收緊按揭樓市又會靜下來，惡性循環再現。
劉兆昌 資深地產傳媒人
http://www.HKLau.com
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate