【本報訊】一張用儍瓜數碼相機抓拍的巨鴨照片，竟獲得53萬人like爆，38歲的Sam Yung說，做夢也想不到Rubber Duck為他活了半生帶來最大的成就感。
Instagram排名第一
任職購物網的Sam昨憶述，5月2日知悉巨鴨首日來海港城對出海面，當天下午便守在海港城露天停車場候鴨拍照；約下午3時，黃鴨快抵達岸邊，身後還跟隨一部遊艇及拖船，他馬上按下快門，「張相構圖好似一隻巨鴨拖住兩部船行緊咁，背景係對岸嘅國金，自己都幾滿意」。他5月開始玩社交網站Instagram，將有關圖片放在自己的戶口，「一貼就有幾百個like，覺得好奇怪，因為我都係玩咗幾日，冇乜人識；我再上Instagram主頁，原來攞咗我張相放喺主頁，一日就有26萬個like；兩星期到𠵱家高達53萬like，排名第一位，真係估唔到」。
Sam自豪地說，本身對攝影有興趣，拍了幾年相，但本港攝影大師比比皆是，自己竟然能夠拍了一張50萬人like的照片，感到很大成就感，「我部相機唔係乜嘢單反，影到嗰張相係捕捉時間啱啱好；啲網友好like巨鴨拖船構圖」。這張相驅使他鼓起勇氣朝攝影方面發展，「我打算換機買單反相機，影多啲靚相」。
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate