歌手「潺仔」早排開演唱會，想同歌迷緬懷那些年，點知俾昔日兄弟「了哥」無啦啦鬧餐懵，搞到潺仔㷫爆還擊，關仁聽聞了哥唔只當正自己大條道理，仲懶好人話當幫潺仔演唱會做宣傳，有新聞好過冇新聞，可惜潺仔唔多爭氣，演唱會啲飛賣得麻麻，事關佢近年冇乜hit歌，好多觀眾以為佢唱新歌為主，梗係唔夠吸引力啦，宣傳人員好鬼緊張咁逐間報館打電話，拜託傳媒幫手寫潺仔會唱好多舊歌，銷情先至好番啲，冇出現咁多空凳咋。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！