百仕達（1168）超級現金牛，博威華達（622）翻版。百仕達手頭現金40億銀，扣埋借款後，淨現金仍高達37億銀，遠遠超過本身市值27億銀。咁睇，百仕達主席歐亞平，身兼威華達大股東，歐生蟄伏已久，頭炮威華達，喺企業本業冇大發圍，但銀彈多多下（12億銀淨現金），呢期染指頁岩氣項目，威華達仲等詳情落實，但短短一個月，股價翻一番。百仕達手頭銀彈仲多，加埋內房本業近一兩年，亦再冇大搞作。啲錢除咗放喺銀行，用嚟壯大業務，呢個推想，亦好合情理。更何況，百仕達家陣低企三年超殘位，而歐生喺百仕達權益，達到44%，呢個比重唔係細。呢轉買百仕達，博翻半番到近1.2元，集團PB仍然低到得0.5倍，依然超殘。
海王雙底等爆
海王（070）用咗近一年兜大雙底，喺頸線邊，等爆。海王主打濠江博彩中介人業務，得兩倍PE。而集團啱上年底止2013年半年度，純利增長近三成，到1.8億銀。而澳門今年頭五個月博彩收入，又keep住過一成增幅，海王全年度應該勁掂，PE繼續keep住超低單位數。博海王爆邊上，翻一番到0.4元，預期PE不過四倍。
錢雋
【蘋果動新聞】Android App 修正版上架
回應讀者要求，Android App修正版改善記憶體使用情況，以及廣告顯示模式，即刻去Play Store下載啦！↓↓
http://bit.ly/appledailyupdate