【中環】許志安同女友鄭秀文（Sammi）去完日本旅行充電之後，望落個人都精神爽利咗好多，前日佢同一男一女助手去咗幫襯中環九記牛腩。人哋成日話九記嘅潘老闆好難相處，不過睇嚟都係睇人啫！好似安仔去到，潘老闆唔止招呼佢上樓上雅座，走嘅時候，潘老闆仲笑笑口咁搭住安仔膊頭行，佢兩個不知幾咁老友囉。至於安仔心情亦都好靚，全程笑笑口不單止，臨上七人車之前，仲主動同記者揮手講拜拜㖭！
採訪、攝影：吳耀輝、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！