何超瓊（Pansy）、何超儀、劉嘉玲及廖碧兒等昨晚於尖沙嘴洲際酒店出席香港芭蕾舞團慈善晚會，剛宣佈入股平價航空Jetstar的Pansy不接受訪問。提到被傳找代母產子的報道，47歲的嘉玲說：「冇啲咁嘅事！我幾歲，要生自己生，講過好多次，啲人用自己價值觀同人生態度衡量人，有同冇都開心，唔需要同人一模一樣，𠵱家科技要做一定做到。」對於會否人工受孕？她說：「冇，我哋兩個都唔係必須要，𠵱家好開心，都享受二人世界同獨處，因為最後都係一個人剩低喺度。」
廖碧兒恭喜陳豪
對於有傳舊愛陳豪與陳茵媺在加拿大安胎，廖碧兒說：「真係唔知，如果係真會恭喜佢，記得佢冇自己講過。」她表示與陳豪已冇聯絡，是否再見不是朋友？她說：「唔係，大家係同事。」會否羨慕對方？她補充：「係想有自己家庭，急唔嚟，努力工作。」
採訪：譚倩宜
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！