今年8月是甄子丹和太太汪詩詩結婚十周年紀念，前晚兩公婆到尖沙嘴出席「國際人道主義獎晚宴暨頒獎禮」，對於會以甚麼奇招賀結婚十周年，子丹直言每年都有驚喜冧太太，但今年就會「明做」，並直言有追多個小朋友的計劃。
琦琦盼為女出畫集
下月50歲的子丹與汪詩詩育有一子一女，兼與前妻有一子，前晚子丹自爆想生多個說：「睇吓有冇多個啦，會睇吓太太頂唔頂得住，我想生，𠵱家見到小朋友好開心，掛住佢哋細細個嘅時候，都有同太太講，佢把口就抗拒，你哋問佢啦。」子丹近日忙於拍攝陳德森的新片《一個人的武林》及《冰封俠3D》，相信他忙完新戲後才有機會努力造人，他說：「拍完陳德森部戲就要返雪山補戲，嚟緊會跟《大鬧天宮》去上海電影節。」
同場出席的嘉賓還有琦琦及羅霖等，琦琦一到場即不停道歉，並自爆因廣東話欠佳而鬧出笑話，她說：「我同的士司機講去彌敦道，點知司機聽到禮頓道，搞到過咗海，我嘅廣東話仲有進步空間。」琦琦表示因女兒完成考試，計劃與她到歐洲玩樂：「個女想去歐洲玩吓，應該下個月去，佢想睇博物館同睇時裝周，佢話想做designer，不過小朋友嘅夢想一兩年就變一次，之前佢想做科學家，不過有夢想好，佢嘅藝術細胞嚟自我同老公，佢都有幫我同老公畫人像，遲啲可能同佢出畫集。」
採訪、攝影：文國駿
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！