【銅鑼灣】曾志偉同黃浩單案件告一段落，黃浩老婆徐淑敏（Suki）對娛樂圈發展都有啲意興闌珊，前日出席活動時仲透露想全面退出娛樂圈。不過前日下晝7點半喺銅鑼灣見到佢，又好似冇乜嘢唔開心，Suki上咗老公開喺新寧道樓上間意大利餐廳食飯。到10點幾食完，同行有宋熙年同黑人保鑣，起初Suki見到記者都笑笑口，仲舉起勝利手勢，不過當問到志偉叫佢老公「放下」嘅時候，已經上咗七人車嘅Suki即刻黑面。
採訪、攝影：黃曉程、羅德光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！