鄭少秋（秋官）和鄭欣宜平時各有各忙，兩父女多以短訊維繫感情，昨日難得一齊在鰂魚涌出席電訊活動。早前秋官缺席懷念肥姐（沈殿霞）的演唱會，秋官避重就輕說：「每個人都有唔同感覺，我有睇欣宜嗰part，佢吊到咁高唱歌，睇到都好牙煙，之前我都有提佢要小心，佢表演得好好，又唱又跳。」
欣宜幫口說：「佢嗰日唔喺香港，佢𠵱家讚番我，我都好開心。」問兩父女一起工作價錢是否特別高，秋官笑說：「要問佢經理人公司，係佢哋安排，我哋唔知，我之前想同個女合作，都要問佢公司㗎。」
採訪、攝影：胡比
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！